དཀའ་སྡུག་ཁྲོད་འབད་འབུངས་བྱེད་མཁན་གྱི་ཁྱེད་ལ་འབུལ། 送给在困难路上挣扎的你
提问|དྲི་བ།
མཁན་པོ་ལགས་སྐུ་ཁམས་བཟང་། ངས་ལས་གཏོད་ཐེངས་གཉིས་བྱས་ཀྱང་གཉིས་ཀར་ཕམ་ཉེས་བྱུང་། ད་ལྟ་ཡང་དཀའ་སྡུག་ཁྲོད་དུ་འབད་འབུངས་བྱེད་བཞིན་ཡོད། དེའི་ཕྱིར་ཁྱེད་ཀྱིས་ང་ལ་ཁ་ཕྱོགས་ཤིག་སྟོན་རོགས་གནང་། ཐ་ན་ཚིག་གཅིག་ཡིན་ཡང་རུང་། ང་ལ་མཚོན་ན་སྐུལ་མ་ཆེན་པོ་ཞིག་ཏུ་འགྱུར་སྲིད། ཐུགས་རྗེ་ཆེ།
堪布您好！我的事业两次创业、两次失败，现在还在苦苦挣扎。所以我希望您能给我一个方向，哪怕是一句话，对我来说都可能是一个极大的启发。谢谢您！
回答|ལན།
ང་ཚོའི་མི་ཚེ་ནི་མི་རྟག་པ་ཡིན། རྒྱལ་ཁ་ཡོད་ལ་ཕམ་ཉེས་ཀྱང་ཡོད། དགའ་སྤྲོ་ཡོད་ལ། སྡུག་བསྔལ་ཡང་ཡོད། དཀའ་སྡུག་ཡོད་ལ། འཇིགས་སྣང་ཡང་ཡོད། ཐེ་ཚོམ་ཡོད་ལ། ཡིད་ཆེས་ཀྱང་ཡོད། དོན་སྙིང་ལྡན་པའི་སྐབས་ཡོད་ལ། དོན་སྙིང་ཅི་ཡང་མེད་པའི་སྐབས་ཀྱང་ཡོད། འོད་སྟོང་ལྡན་པའི་དུས་ཡོད་ལ། མུན་ནག་གིས་ཁེངས་པའི་དུས་ཀྱང་ཡོད། སྐབས་རེར་མདུན་གྱི་ལམ་ནི་ཐོགས་པ་མེད་པར་སྙམ་པའི་དུས་ཡོད་ལ། སྐབས་རེར་གཡང་གཟར་ཟབ་མོར་ལྷུང་བར་སྙམ་པའི་དུས་ཀྱང་ཡོད།
ངས་བསམས་ན། མི་ཞིག་ཡིན་ན་ངེས་པར་དུ་རང་རྟོན་དགོས་ཏེ། དགའ་སྤྲོ་སྐྱེ་བའི་སྐབས་སུ། ང་རྒྱལ་ཆེན་པོ་སྐྱེ་མི་རུང་། སྡུག་བསྔལ་མྱོང་བའི་སྐབས་སུ། ཧ་ཅང་ཡིད་ཐང་མ་ཆད་པར། མུ་མཐུད་དུ་རྒྱུན་འཁྱོངས་བྱེད་དགོས།
སྤྱིར་ན་མི་ཚེ་ནི་རྐྱེན་དང་བསྟུན་དགོས་པའི་ལམ་ཞིག་ཡིན། སངས་རྒྱས་ཀྱི་མདོ་ལས་ཀྱང་། ང་ཚོའི་སེམས་སམ། ཀུན་གཞིའི་སྟེང་དུ་དགེ་དང་མི་དགེ་བའི་ལས་ཀྱི་བག་ཆགས་ཡོད་ཅེས་གསུངས་མོད། ཡིན་ནའང་ནང་ཆོས་སུ། ཐམས་ཅད་སྔོན་གྱི་ལས་དབང་ཡིན་པ་དང་། ལས་ཀྱིས་བཀོད་སྒྲིག་བྱས་པ་ཞིག་ཡིན་ཞེས་གསུངས་མེད། དེས་ན། རང་ཉིད་ཀྱི་གསར་བཟོའི་ནུས་པ་དང་། རྒྱུན་འཁྱོངས་ཀྱི་ནུས་པ་གཉིས་ནི་འབྲལ་ཐབས་མེད་པ་ཞིག་ཡིན། འདི་ནི་རྒྱུ་དང་རྐྱེན་འཛོམས་པ་ལས་བྱུང་བ་ཡིན།
འདི་ལྟ་བུའི་བརྒྱུད་རིམ་ཁྲོད་དུ། ངས་བལྟས་ན་ཁྱེད་རང་གཅིག་པུ་མ་ཡིན་པར། དེ་རིང་འདིར་ཞུགས་ཀྱི་མི་མང་པོ་ཞིག་ལའང་། རེ་དོགས་ཀྱི་སེམས་ཁྲལ་ངེས་པར་དུ་ཡོད་སྲིད། འོན་ཀྱང་གང་ལྟར་ཡང་། ང་ཚོས་མི་ཚེ་དང་། འཚོ་བ། ལས་དོན་གང་ལ་ཡང་། འཛིན་པ་ཧ་ཅང་ཆེན་པོ་བྱེད་མི་རུང་། འཛིན་པ་ཇི་ལྟར་ཆེ་ན། དེ་ལྟར་དུ་ལམ་ལྷོང་ཡོང་བའི་ངེས་པ་མེད། ཡིན་ནའང་བྱ་བ་དེ་ལས་སླ་མོའི་ངང་བློས་བཏང་མི་རུང་། གལ་ཏེ་བློས་བཏང་བར་གྱུར་ན། གོ་སྐབས་མང་པོ་ཞིག་ཤོར་འགྲོ་བ་ཡིན།
མཐར། ངའི་བསམ་འཆར་ནི་ཚིག་གཅིག་སྟེ། སེམས་ཁམས་ཞི་ལྷོད་ངང་གནས་རྒྱུ་དེ་ཆེས་གལ་ཆེ་བ་ཡིན།
མཁན་པོ་བསོད་དར་རྒྱས་ཀྱི་