དམ་ཚིག་མཆོག་གི་རྒྱུད་ལས།ལུས་དང་ངག་དང་ཡིད་སྟོབས་ཀྱིས།།ཅི་ནུས་པ་ཡིས་བླ་མ་ལ།།བསྙེན་བཀུར་སྲི་ཞུ་སུས་བྱས་པ།།འདི་ལ་མཐུ་དང་ནུས་པའི་ཚོགས།།བྱིན་རླབས་ཐོགས་པ་མེད་པ་འབྱུང་།།ཞེས་གསུངས།
《殊胜誓言续》：
谁以身语意，尽力承侍师，定无碍出现，威力与加持。

ཀླུ་སྒྲུབ་ཀྱིས།ཀུན་རྫོབ་ལས་ནི་ལོགས་ཤིག་ཏུ།།དོན་དམ་ཉེ་བར་མི་དམིགས་སོ།།དོན་དམ་ལས་ཀྱང་ལོགས་ཤིག་ཏུ།།ཀུན་རྫོབ་ཉེ་བར་མི་དམིགས་སོ།།ཞེས་གསུངས།
龙猛菩萨：
唯除世俗外，不得胜义谛。唯除胜义外，不得世俗谛。

མཁའ་ལྡིང་གཤོག་རླབས་ལས། སྣང་བ་དཀར་དམར་སྣ་ཚོགས་ཤོག་བུ་ལ། །རང་བྱུང་ཡེ་ཤེས་རིག་པའི་སྨྱུ་གུ་ཡིས། །གཞི་མེད་ཡེ་གྲོལ་འཛིན་མེད་ཡི་གེ་བྲིས། །སྣང་སྟོང་གཉིས་མེད་ངང་དུ་དཔེ་བལྟ་བྱས། །ཞེས་གསུངས།
《大鹏展翅》：
形形色色显现纸，自然觉智笔繕写，无基本解无执字，现空无二境界阅。

མཁའ་ལྡིང་གཤོག་རླབས་ལས། འཁོར་འདས་རོ་གཅིག་སེམས་སུ་ཐག་བཅད་ལ། །སེམས་ཉིད་མ་བཅོས་ཆོས་སྐུའི་ངང་ཉིད་ནས། །འགྲོ་དང་འདུག་དང་མཆོངས་དང་རྒྱུག་པ་དང་། ། སྨྲ་དང་དགོད་དང་ངུ་དང་གླུ་ལེན་དང་། །བཅགས་དང་དཀྲུག་ལོག་སྨྱོན་པའི་སྤྱོད་པ་བྱ། ། མཐར་ནི་ཞི་ཞིང་བདེ་བའི་ངང་ལ་འདུག །ཅེས་གསུངས།
《大鹏展翅》：
轮涅一味断定心，心性无改法身性，行住跳跃及奔跑，言谈苦笑与歌唱，践踏搅乱疯狂行，最终寂静安乐住。

ཞབས་དཀར་པས།གང་ལ་གང་འདུལ་སྤྲུལ་པ་བཀྱེ་ནས་ཀྱང་།།འགྲོ་དོན་རྒྱུན་མི་འཆད་པར་མཛད་པའོ།།ཚིག་དོན་འདི་རྣམས་ཡིད་ལ་ཟུངས་ཤིག་དང་།།སྐྱིད་པའི་ཉི་མ་ནང་ནས་འཆར་བར་ངེས།།ཞེས་གསུངས།
夏嘎巴：
应机调化现幻化，永不间断利群生，此等句义铭记心，快乐杲日从内升。

སངས་རྒྱས་ཀྱི་གཙུག་ཏོར་དཔལ་བར་འགྲོ་བའི་མདོ་ལས། སངས་རྒྱས་ཀྱིས་བཀའ་སྩལ་པ། འདི་ནི་ཕྱི་རོལ་དོན་གྱིས་སྟོངས་པའི་སེམས་ཀྱི་རྣམ་པ་རྫུན་པ་སྟེ། ཡང་དག་པའི་སེམས་ཀྱི་རང་བཞིན་རྙོག་པར་བྱེད་དོ། །ཁྱོད་ཀྱིས་ཐོག་མ་མེད་པ་ནས་ད་ལྟའི་བར་དུ་རྐུན་པོ་ལ་རང་གི་བུར་རློམས་པས། སེམས་ཀྱི་རང་བཞིན་གྱི་ངོ་བོ་ཉིད་སྟོར་བས་ན་འཁོར་བར་འཁོར་རོ། །ཞེས་གསུངས།
《楞严经》：
此是前尘虚妄相想，惑汝真性。由汝无始至于今生，人贼为子，失汝元常，故受轮转。

ས་སྐྱ་པཎྜི་ཏས།སེམས་ནི་རྣམ་པར་གཡེངས་པ་ལ།།དམ་ཆོས་བསྒྲུབ་པའི་གོ་སྐབས་མེད།།ཅེས་གསུངས།
萨迦班智达：
设若自心散乱者，彼无修法之良机。

ས་སྐྱ་ལེགས་བཤད་ལས།ཁྱོད་ཀྱི་བྱ་བ་ཟིན་ནམ་ཞེས།།འཆི་བདག་སྡོད་པར་མི་འགྱུར་གྱིས།།ངེས་པར་བྱ་དགོས་ཡོད་ན་ནི།།དེ་རིང་ཉིད་དུ་བརྟུན་ལ་གྱིས།།ཞེས་གསུངས།
《萨迦格言》：
无论汝事圆满否，死主绝不让汝停，设若尚有应做事，则应今起精进行。

མི་ཕམ་རིན་པོ་ཆེས།ཡུད་ཙམ་ཙམ་ཞིག་གིས་མཛའ་བ་དང་།།མི་མཛའ་གཉིས་ཀ་མི་བྱ་བར།།འཕྲལ་དུ་འགྲོགས་ན་བདེ་བ་དང་།།ཕུགས་སུ་ཆེས་ཆེར་བརླིང་བར་བྱ།།ཞེས་གསུངས།
麦彭仁波切：
故勿顷刻成密友，须臾又变成陌路，短暂相处应快乐，长远情当愈稳固。

སངས་རྒྱས་ཀྱི་གཙུག་ཏོར་དཔལ་བར་འགྲོ་བའི་མདོ་ལས། ཇི་ལྟར་ན་རྣམ་གྲངས་གཉིས་ཡིན་ཞེ་ན། ཀུན་དགའ་བོ་རྣམ་གྲངས་གཅིག་ནི་ཐོག་མ་མེད་པའི་སྐྱེ་འཆིའི་རྩ་བ་སྟེ། ད་ལྟ་ཁྱོད་ཅག་སེམས་ཅན་རྣམས་ཀྱི་དམིགས་པ་ཅན་གྱི་སེམས་ཉིད་རང་གི་སེམས་ཀྱི་རང་བཞིན་དུ་ལྟ་བའོ།། རྣམ་གྲངས་གཞན་ནི། ཐོག་མ་མེད་པ་ནས་འབྲལ་དུ་མེད་པའི་བྱང་ཆུབ་དང་མྱང་འདས་རྣམ་པར་བྱང་བའི་ངོ་བོ་ཉིད་དེ། ད་ལྟ་ཁྱེད་ཀྱི་རང་བཞིན་གྱིས་འོད་གསལ་བའི་རྣམ་པར་ཤེས་པའི་ཁམས། རྣམ་འགྱུར་ཐམས་ཅད་བསྐྱེད་པར་བྱེད་པ། རང་གི་ངོ་བོ་རྙེད་པར་དཀའ་བ་སྟེ། སེམས་ཅན་རྣམས་ཀྱིས་རང་གི་ངོ་བོ་ཡོངས་སུ་སྟོར་བས་ན། ཉིན་བཞིན་དུ་འབད་པར་བྱས་ཀྱང་ཕྱིན་ཅི་ལོག་གི་རིགས་སྣ་ཚོགས་སུ་དོན་མེད་པར་འཁྱམས་པར་གྱུར་ཏེ་རང་གི་རང་བཞིན་མ་རྟོགས་སོ། །ཞེས་གསུངས།
《楞严经》：
云何二种？阿难，一者无始生死根本，则汝今者，与诸众生，用攀缘心为自性者。二者无始菩提涅槃，元清净体，则汝今者识精元明，能生诸缘，缘所遗者。由诸众生，遗此本明，虽终日行，而不自觉，枉入诸趣。